Bonnie Burnside
Written by Harry Smith
Some sing of a maiden wi love in her e'e,
Ithers praise beauty in lands o'er the sea;
I sing o' a village, it's there I reside,
And feel quite contented in bonnie Burnside.
Braw Burnside aye bonnie Burnside,
In that lovely wee clachan, it's there I reside:
There's a lump in my thrapple, I canna weel hide;
When I worship the grandeur, roon bonnie Burnside.
In fancy I take a wee dauner awa',
Up Connel Burn wi' scenery sae braw;
Then clim. up on Brockloch tae look doon wi' pride,
On that bonnie wee village they ca' it Burnside.
Or gae up Knochburnie or Craecreddy, glen's fair
Then on the Enoch, tae view it frae there;
There's nae place in Scotland, or aw' the world wide,
Sae dear tae my busom as bonnie Burnside.
|